Շիրակի մարզի զինվորական կոմիսարիատների բակերում, մասնավորեպես Գյումրու և Ախորյանի, Արցախ մեկնելու ցանկություն ունեցող երիտասարդների և միջին տարիքի տղամարդկանց հերթեր են գոյացել: Այդ մասին տեղեկացնում է Հայկական ժամանակը:
Կամավորների հոսքը վաղ առավոտից չի դադարում նաև Շիրակի մարզի Երկրապահ կամավորականների միությունում: Արցախ մեկնելու համար երկրապահներին են միացել նաև երիտասարդներ, որոնք նոր են վերադարձել ծառայությունից: Ապրիլյան նահատակների ծնողները ևս կամավորների շարքերում են:
«Եվ երկրապահները, և երկրապահների մարզային խորհուրդը տեղում են: Շտաբներում սպասում ենք հրահանգին, որպեսզի մեկնենք ու լինենք Արցախի ժողովրդի կողքին: Մեր կին-կամավորները ևս մեր կողքին են»,-հեռախոսազրույցում ասաց ԵԿՄ ՇՄ խորհրդի նախագահ Յուրա Ալեքսանյանը: