Օգոստոսի մեկից Հայաստանում սկսվել է կորոնավիրուսից մահացածների դիահերձումը:
Դիահերձման նպատակն էր պարզելու, թե արդյոք քաղաքացիների մահվան պատճառը կորոնավիրուսն է:
Araratnews.am-ը գրավոր հարցում էինք ուղարկել ՀՀ առողջապահության նախարարություն՝ տեղեկանալու, թե քանի օգոստոսի մեկից քանի հերձում է եղել, ինչ արդյունքներ է արձանագրվել: Արդյոք դիահերձումը հաստատել է՝ քաղաքացիների մահվան պատճառը կորոնավիրուսն է: Ի պատասխան մեր հարցման նախարարությունը տեղեկացնում է, որ նոր դիահերձականը գործում է Կոտայքում:
«...Եվ, քանի որ դիակների դատաբժշկական փորձաքննությունները կատարվում են հետաքննության և նախաքննության մարմինների համապատասխան որոշումների հիման վրա, այդ թվում' COVID-19-ից մահացած անձանց, ուստի դրանց վերաբերյալ որևէ տեղեկատվություն չենք կարող տրամադրել' հիմք ընդունելով «Տեղեկատվության ազատության մասին» ՀՀ օրենքի 8-րդ հոդվածի 1-ին կետի 3-րդ ենթակետը, այն է. «պարունակում է հրապարակման ոչ ենթակա նախնական քննության տվյալներ»,- գրված է նախարարության պատասխանում: