shamshyan.com-ը գրում է․
Նոյեմբերի 2-ի երեկոյան անհայտ անձը Մոսկվայում սպանել է Ինգուշեթիայի ոստիկանության՝ էքստրեմիզմի դեմ պայքարի կենտրոնի ղեկավար Իբրահիմ Էլջարկիևին և նրա եղբորը: Փողոցի տեսախցիկներից երևում է, որ Էլջարկիևը իր մեքենայից ոչ հեռու կանգնած է եղել՝ սպասելով ինչ որ մեկին: Այդ պահին նրան է մոտենում կարմիր բաճկոնով մի տղամարդ և կրակ բացում:
Տեսնելով դա, Էլջերկիևի կայանված մեքենայից դուրս է եկել նրա եղբայրը՝ Աբդուլ Ահմեդը, որը նույնպես ոստիկան էր: Քիլերը անմիջապես նրա ուղղությամբ էլ է կրակոցներ արձակել: Թաքնվելուց առաջ մարդասպանը ստուգողական կրակոցներ է արձակել եղբայրների գլխին:
Նախնական տեղեկություններով, մարդասպանը կրակել է ավստրական «Գլոկ» մակնիշի ատրճանակից, որը վարձու մարդասպանների մոտ մեծ պահանջարկ ունի:
Հետաքննությունը չի կասկածում, որ հանցագործությունը պատվիրված բնույթ ունի: Այն բավական պրոֆեսիոնալ կերպով ծրագրավորված է եղել, իսկ քիլերին հայտնի են եղել զոհերի տեղաշարժման ուղղությունները:
Մարդասպանը իր գործն անելուց հետո մոտեցել է հանցակցին և նրա հետ միասին հեռացել ոտքով, թողնելով BMW մակնիշի մեքենան, որով եկել էին հանցագործության վայր: