Ինչպես արդեն հայտնել ենք, Անգլիայի Էսսեքս կոմսությունում իրավապահ մարմինները բեռնատար ավտոմեքենայի մեջ հայտնաբերել են 39 մարդու դի:
Նշվում է, որ 39 մահացած մարդիկ կարող են Վիետնամի քաղաքացիներ լինել, գրում է Reuters-ը:
Այդ մասին լրատվամիջոցին հաղորդել է վիետնամցի կաթոլիկ քահանա Էնթոնի Դանգ Հյու Նամը: Նա ասել է, որ իր տեղեկություններով' Վիետնամի Նգեան նահանգի մի քանի ընտանիք մտադիր էր մեկնել Մեծ Բրիտանիա' աշխատանք գտնելու և կապի այլևս դուրս չի եկել:
Այդ մարդկանց հարազատներն արդեն ոստիկանությանը փոխանցել են մի քանի տասնյակ լուսանկարներ, որոնք կօգտագործվեն դիակների նույնականացման ժամանակ:
Նշվում է, որ Մեծ Բրիտանիայում աշխատում են հազարավոր վիետնամցիներ, որոնք երկիր են թափանցել անօրինական ճանապարհով: