Հայաստանի բռնցքամարտի հավաքականի անդամ Անուշ Գրիգորյանը հաղթանակով է մեկնարկել աշխարհի առաջնությունում:

Ռուսաստանի Ուլան-Ուդե քաղաքում ընթացող բռնցքամարտի կանանց աշխարհի առաջնությունում հաղթանակով մեկնարկեց 51 կգ քաշային Անուշ Գրիգորյանը:

Եվրոպայի մինչեւ 22 տարեկանների չեմպիոնը 3:2 հաշվով հաղթեց ամերիկացի Հեւեն Գարսիային և դուրս եկավ 1/8 եզրափակիչ:

Աշխարհի առաջնությունը վարկանիշային չէ Օլիմպիական խաղերի համար: