Ռեժիսոր Ելենա Արշակյանն ինստագրամյան իր էջում հրապարակում է արել՝ անդրադառնալով ԱՄՆ-ում մոլեգնող անտառային հրդեհներին: «Իմ ընկերներ, սիրելի մարդիկ, ովքեր անհանգստանում էին իմ ու աղջկաս համար, ասեմ՝ մենք արդեն Հայաստանում ենք: Բայց Լոս Անջելեսում են մեր ընկերները, հարազատները և հայրենակիցները: Հուսանք այս արհավիրքը շուտ կավարտվի»,- ինստագրամի սթորի բաժնում գրել է Ելենան:
Նշենք, որ Ելենա Արշակյանն ԱՄՆ էր մեկնել, որտեղ դեկտեմբերին կայացել էր «Նոր տարվա կինո» ֆիլմի ամերիկյան պրեմիերան:
Հիշեցնենք՝ ԱՄՆ Կալիֆոռնիա նահանգում մոլեգնող ավերիչ անտառային հրդեհները հասնել են հանրահայտ Hollywood գրությամբ բլուրներին, զոհվել է 5 մարդ, տարհանվել 130,000 բնակիչ, հայտնում է: Ընդհանուր առմամբ, մոլեգնում է 6 առանձին հրդեհ, որոնց դեմ պայքարում են հազարավոր հրշեջներ: Կրակի տարածմանը նպաստում են ուժեղ քամիները: