ՀՀ վարչապետի աշխատակազմի ղեկավարի տեղակալ Տարոն Չախոյանը իր ֆեյսբուքյան էջում գրել է.

«Ժողովրդից, պետությունից գողացվածը քայլ առ քայլ հետ է վերադարձվում։ Տարիներ շարունակ վատնված ու կոպեկներով մսխված պետության ընդերքի հարստությունը վերադարձվում է պետությանը։

Զանգեզուրի պղնձամոլիբդենային կոմբինատը 33,249 միլիարդ դրամ է վճարել պետական բյուջե, որպես պետության շահաբաժին։

2018-ից հետո ԶՊՄԿ-ի վճարած հարկերը կտրուկ աճել են, միայն 2022թ-ին ԶՊՄԿ-ն 7մլրդ-ով ավելի շատ հարկ է վճարել, քան 2012-2017 թվականներին՝ 6 տարիների ընթացքում։

Եթե 2016թ-ին ԶՊՄԿ-ն վճարել էր ընդամենը 9մլրդ դրամ հարկ, ապա 2022թ-ին՝ 145 մլրդ դրամ։

2024 թվականին նախորդ տարվա նույն ժամանակահատվածի համեմատ ԶՊՄԿ-ն շուրջ 63% ավել հարկ է վճարել»։