Հնդկական Շահջահանպուր քաղաքում վայրի կապիկները քանդել են բնակելի տան պատը և սպանել մորն ու չորս երեխաներին: Այս մասին հայտնում է Times of India-ն:
45-ամյա Շաբնամի տան օդափոխիչը կոտրվել էր: Կինը և նրա վեց երեխաները որոշել են քնել տան բակում, որպեսզի փրկվեն շոգից:
Առավոտյան քնած ընտանիքի վրա փլվել է աղյուսե պատը: Միջադեպի մեղավորները, ինչպես պարզվել է, կապիկներն էին, որոնք ցանկացել են բարձրանալ տան հարևանությամբ գտնվող գուավայի ծառը: Պտուղները տանելու փորձի ընթացքում կապիկները քանդել են տան պատը:
Նշվում է, որ ողջ են մնացել միայն տան երկու փոքրիկ տղաները: Նրանց շտապ տեղափոխել են հիվանդանոց, որտեղ ստացել են անհրաժեշտ բուժօգնություն:
