Այսօր կայացած մամուլի ասուլիսի ժամանակ Ավտոներկրողների միության նախագահ Տիգրան Հովհաննիսյանը ներակայացրեց այն նամակի պատասխանը, որով դիմել էին ՌԴ նախագահին: Նամակը վերաբերում է 2020 թվականից ավտոմեքենաների ներկրման մաքսային տարիֆներին:

«ՌԴ նախագահի աշխատակազմից հայտնում են, որ ՀՀ կառավարության հետ քննարկում են նոր մաքսային չափանիշներ կիրառելու հարցը, և լավ կլինի, որ դուք քննարկումներ իրականացնեք ձեր կառավարության հետ: Ես փոխվարչապետ Մհեր Գրիգորյանի օգնականին հարցրել եմ՝ կա՞ այդպիսի բան: 1-7 տարեկան մեքենաները ներկրելիս ես պարզապես չեմ կարողանում հասկանալ՝ սա Հայասատանի՞ համար է, թե՞ ամբողջ ԵԱՏՄ երկրների համար:

Եթե կան այսպիսի քննարկումներ ՌԴ կառավարության հետ, ինչու՞ մեր կառավարությունը հայտարարություն չի անում, որ գոնե 1-7 տարեկան մեքենաները լինելու են ըստ ծավալի՝ մինչև 1800 խորանարդ սմ, 0,36 եվրո: 1800-3000 խ սմ 0.44 եվրո, 3000-ից ավելիի դեպքում՝ 0.8 եվրո: Այնպիսի տարիֆներ են, որ ավելի էժան են լինելու 2020 թվականից հետո, քան՝ հիմա»,- ասաց նա:

Տիգրան Հովհաննիսյանը նաև նշեց, որ կառավարությունում արձագանք չկա ԱՄՆ-ից մեքենաների աճուրդով օնլայն գնումը մոտակա ամիսներին արգելելու հետ կապված: