Այսօր՝ փետրվարի 19-ին,  ավտովթար  է տեղի ունեցել Սյունիքի մարզում: Ժամը 13:30-ի սահմաններում Սիսիան-Գորիս ավտոճանապարհի 18-րդ կմ հատվածում Իրանի Իսլամական Հանրապետության քաղաքացի, 65-ամյա Տյալի Ապասլոն իր վարած Renault Tondra մակնիշի 24 AA 660 համարանիշի ավտոմեքենայով դուրս է եկել ճանապարհի երթևեկելի հատվածից և բախվել ճամփեզրի երկաթյա արգելապատնեշին: Ինչպես հայտնում է ֆոտոլրագրող Գագիկ Շամշյանը, վթարի  հետևանքով 1 հոգի բժշկական օգնություն ստանալու նպատակով տեղափոխվել է «Սիսիան» բժշկական կենտրոն:

 Օպերատիվորեն դեպքի վայր են ժամանել Արտակարգ իրավիճակների  նախարարության փրկարար ծառայության Սիսիանի թիվ 57 հրշեջ-փրկարարական ջոկատը՝  1 մարտական հաշվարկով: Փրկարարները հոսանքազրկել են ավտոմեքենան և սահմանազատել տարածքը: Օպերատիվորեն ժամանել են նաև ճանապարհային ոստիկանության  2-րդ սպայական գումարտակի 6-րդ վաշտի 1-ին դասակի ծառայողները՝ վաշտի հրամանատար Գեղամ Մարգարյանի, դասակի հրամանատար  Կարեն Օհանյանի գլխավորութամբ:  Տեղում հետաքննչական աշխատանքները ղեկավարել է նույն վաշտի ավագ հետաքննիչ  Ս. Վարդանյանը, ում կողմից փաստի առթիվ  նյութեր են նախապատրաստվում: Ոստիկանությունը պարզում է վիրավորի ինքնությունը: 

Լուսանկարները՝ Յուրա Գաբրիելյանի