Պետրոպավլովսկ-Կամչատսկի մերձակայքում 5,2 մագնիտուդով երկրաշարժ է գրանցվել, հայտնում է Կամչատկայի երկրամասի կառավարությունը Telegram-ի իր ալիքում՝ վկայակոչելով երկրաֆիզիկոսներին։
«Երկրաշարժը, որն այսօր զգացել են Կամչատկայի բնակիչները, տեղի է ունեցել Պետրոպավլովսկ-Կամչատսկից 85 կմ հեռավորության վրա, օջախը գտնվել է 32 կմ խորության վրա, ուժգնությունը՝ 5,2»,- ասվում է հաղորդագրության մեջ։
Փրկարարների խումբը երկրաշարժից հետո ավարտել է սոցիալապես նշանակալի օբյեկտների զննությունը։ Լուրջ վնասներ չեն գրանցվել։ Քաղաքացիներից զանգեր չեն ստացվել Միացյալ հերթապահ դիսպետչերական ծառայություն կամ Կամչատկայի երկրամասի շտապ օգնության ծառայություններ։