Սեպտեմբերի 17-ին՝ ժամը 8.00-ին, ՀՀ ընտրական օրենսգրքով սահմանված կարգով բացվել էին ընտրությունների համար ձևավորված բոլոր 475 ընտրական տեղամասերը և ընդունել առաջին ընտրողներին:
Ընտրողների էլեկտրոնային գրանցման նպատակով օգտագործվել էր 1362 տեխնիկական սարքավորում:
Ընտրությունների և քվեարկության վերաբերյալ լուսաբանում իրականացնելու համար հավատարմագրվել էր 40 տեղական զանգվածային լրատվության միջոցներ: Ընտրությունները դիտարկելու համար հավատարմագրվել էր նաև 2 միջազգային դիտորդական առաքելություն և 3 օտարերկրյա ԶԼՄ։
Երևան համայնքի ընտրողների ռեգիստրում հաշվառված է 824 250 քաղաքացի, քվեարկությանը մասնակցել է 234 553 քաղաքացի կամ ընտրական իրավունք ունեցող քաղաքացիների 28.46%-ը։
Լուսադեմին ԿԸՀ-ն հրապարակել է Երևանի ավագանու ընտրությունների քվեարկության նախնական արդյունքները Երևանի բոլոր 475 տեղամասերից:
1.«Քաղաքացիական պայմանագիր» կուսակցություն - 75 463 ընտրող (32.57%)
2.«Հանրային ձայն» կուսակցություն - 22 431 ընտրող (9.68%)
3. «Արդար Հայաստան» կուսակցություն - 2595 ընտրող (1.12%)
4. «Հաղթանակ» կուսակցություն - 3959 ընտրող (1.71%)
5. «Ուժը հայրենյաց» կուսակցություն - 1706 ընտրող (0.74%)
6. «Հայաստանի եվրոպական կուսակցություն - 2572 ընտրող (1.11%)
7. «Ազգային առաջընթաց» կուսակցություն - 43 765 ընտրող (18.89%)
8. «Հանուն սոցիալական արդարության» կուսակցություն - 780 ընտրող (0.34%)
9. «Հանրապետություն» կուսակցություն - 26 236 ընտրող (11.32%)
10. «Միացյալ Հայաստան» կուսակցություն - 1282 ընտրող (0.55%)
11. «Լուսավոր Հայաստան» կուսակցություն - 4174 ընտրող (1.8%)
12. «Ժողովրդավարական Համախմբում» կուսակցություն - 2348 ընտրող (1.01%)
13. «Ապրելու երկիր» կուսակցություն - 8425 ընտրող (3.64%)
14. «Մայր Հայաստան» դաշինք - 35 739 ընտրող (15.43%):