Երեկ՝ փետրվարի 9-ին, կրակոցներ են հնչել Երևանում։ Ժամը 22։00-ի սահմաններում ՀՀ ներքին գործերի նախարարության ոստիկանության Էրեբունու բաժնի քրեական հետախուզության բաժանմունքում օպերատիվ տեղեկություններ են ստացվել, որ Ավանեսովի փողոցում կրակոցներ են հնչել։
Shamshyan.com-ի փոխանցմամբ՝ դեպքի վայր են մեկնել ոստիկանության ծառայողները:
Պարզվել է, որ տեղեկությունները հավաստի են եղել և նշված փողոցից ոստիկանները խուլիգանություն կատարելու կասկածանքով Էրեբունու ոստիկանություն են տեղափոխել Երևանի բնակիչ 49-ամյա Արա Ա․-ին։
Պարզվել է, որ նա իր մոտ եղած ատրճանակով 5 հատ կրակոցներ է արձակել դեպի օդ։
Բարեբախտաբար, տուժածներ չկան։
Ոստիկանները Արա Ա․-ի մոտ հայտնաբերել են նաև ատրճանակը։
Դեպքի փաստով նախաձեռնվել է քրեական վարույթ։
Կայքի տեղեկություններով՝ Արա Ա․-ն ոստիկաններին ու քննիչներին հայտնել է, որ ինքը աշխատում է «Սուր և նիզակ» անվտանգության ծառայությունում, որպես պահնորդ։