Իտալիայում հզոր երկրաշարժ է տեղի ունեցել՝ հայտնում են Եվրոպական-միջերկրածովյան սեյսմոլոգիական կենտրոնի (EMSC) փորձագետները։
Ցնցումները գրանցվել են երեքշաբթի՝ հունիսի 2-ին, տեղական ժամանակով ժամը 00:12-ին, մագնիտուդը հասել է 6.2-ի, ինչը սեյսմոլոգները համարում են ուժեղ երկրաշարժ, որը կարող է միջին վնաս պատճառել։
Էպիկենտրոնը գտնվել է Կալաբրիայի շրջանի Պաոլայից 20 կիլոմետր հարավ-արևմուտք և Սիցիլիայի Մեսինա քաղաքից 124 կիլոմետր հյուսիս, 240 կիլոմետր խորության վրա։
Վիրավորների կամ վնասների մասին տեղեկություններ չեն եղել։