Ուրուգվայում ներկայացվել է «Ճանապարհ հարթող կանայք. բազմակողմանի համագործակցության և դիվանագիտության պատմություններ» գիրքը
Ուրուգվայում ՀՀ դեսպան Մարիամ Գևորգյանն Ուրուգվայի Արտաքին հարաբերությունների նախարարությունում մասնակցել է Կին դիվանագետների միջազգային օրվա կապակցությամբ կազմակերպված միջոցառմանը, որի հիմնական բանախոսն Արտաքին հարաբերությունների նախարարի տեղակալ Վալերիա Սուկասին էր: Այս մասին հայտնում է դեսպանությունը։
Միջոցառման շրջանակում ներկայացվել է «Ճանապարհ հարթող կանայք. բազմակողմանի համագործակցության և դիվանագիտության պատմություններ» գիրքը, որը պատրաստվել է ԱՀ նախարարության և ՄԱԿ Կանայք կազմակերպության կողմից՝ այս ոլորտներում կանանց ներդրումը տեսանելի դարձնելու և նոր սերունդներին ոգեշնչելու նպատակով։