«Հայաստան» խմբակցության պատգամավորները գնացել են Կիրանց։ Ոստիկանությունը վերջիններիս թույլ չի տալիս մտնել գյուղ՝ ելնելով անվտանգության նկատառումներից, քանի որ ԱԱԾ սահմանապահ զորքերը տարածքում աշխատանքներ են իրականացնում։
Պատգամավորները, սակայն փորձում են սադրել ոստիկաններին և բախումներ հրահրել։ Նրանցից երկուսը՝ չենթարկվելով իրավապահների օրինական պահանջին, փորձել են սարերով և դաշտերի միջով հասնել Կիրանց, ինչը վտանգավոր է, քանի որ տարածքը հնարավոր է ականապատ լինի։
«Հայկական ժամանակ»-ի հետ զրույցում ՀՀ ՆԳՆ-ից հայտնեցին, որ պատգամավորների մուտքն արգելել են, ինչպես նաև երթևեկությունն է սահմանափակվել Ոստիկանության մասին օրենքի 22-րդ հոդվածի 6-րդ կետի հիմքով։ Այն է՝ ժամանակավորապես սահմանափակել կամ արգելել տրանսպորտի երթևեկությունը և հետիոտնի շարժը, ինչպես նաև պարտավորեցնելու նրանց մնալ որոշակի տարածքներում կամ օբյեկտներում, փողոցներում և ճանապարհներին' իրենց կյանքի, առողջության կամ գույքի պաշտպանության ապահովման կամ քննչական և օպերատիվ հետախուզական գործողություններ կատարելու համար' այդ մասին անմիջապես տեղեկացնելով վերադասության կարգով: