Shamshyan.com-ը գրում է․
Այն, որ ՀՀ Ներքին գործերի նախարարության ոստիկանության պարեկային ծառայությունում ՀՀ Ներքին գործերի նախարար Վահե Ղազարյանի, ՀՀ ոստիկանության պետ, ներքին գործերի նախարարի տեղակալ, ոստիկանության գեներալ-մայոր Արամ Հովհաննիսյանի կարգադրություններում պարեկային ծառայությունում առաջնահերթություններից է համարվում նաև վիրավորներին առաջին բուժօգնություն ցուցաբերելը, գաղտնիք չէ:
ՀՀ ՆԳՆ ոստիկանության պարեկային ծառայության պետ, ոստիկանության գնդապետ Արթուր Խուդինյանը առաջնահերթություններից է համարվում նաև դեպքի վայրում մինչ շտապօգնության բժիշկների ժամանումը պարեկները կարողանան ճիշտ և գրագետ բուժօգնություն ցուցաբերեն վիրավորներին:
Երեկ՝ դեկտեմբերի 9-ին, ՀՀ ՆԳՆ ոստիկանության պարեկային ծառայության Գեղարքունիքի մարզի գումարտակի պարեկները՝ գումարտակի հրամանատար Ալբերտ Մարտիրոսյանի գլխավորությամբ, ապացուցեցին, որ բավականին հմուտ տիրապետում են նաև վիրավորին առաջին անհրաժեշտության օգնություն ցուցաբերելու գործին:
Ժամը 18:50-ի սահմաններում Վարդենիս-Շորժա-Ծովագյուղ ավտոճանապարհի 53 կմ հատվածում Կոտայքի մարզի բնակիչ, 42-ամյա Էդգար Հ.-ն իր վարած ВАЗ 2107 մակնիշի ավտոմեքենայով հարվածել է Գեղարքունիքի մարզի բնակիչ, 53-ամյա Գագիկ Ղ.-ին պատկանող խոշոր եղջերավոր անասունին:
Բախման հետևանքով Էդգար Հ.-ի ուղևոր, Գեղարքունիքի մարզի բնակիչ, 40-ամյա Անգին Բ.-մարմնական վնասվածքներով տեղափոխվել է «Ճամբարակի ամբուլատոր կենտրոն»:
Մինչ նշված կենտրոնի բժիշկների շտապօգնության ժամանումը՝ Անգին Բ.-ին տեղում առաջին բուժօգնությունն են ցուցաբերել ՊԾ Գեղարքունիքի մարզի պարեկները, ովքեր, օգտագործելով իրենց ավտոմեքենայում պահվող դեղատուփը, մշակել և վիրակապել են վիրավորի վերքերը, ապա ժամանած բժիշկները նրան տեղափոխել են ամբուլատոր կենտրոն:
Վթարի մասին ՊԾ Գեղարքունիքի մարզի գումարտակից տեղեկությունը փոխանցել են Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժին, որտեղից ժամանել է քննչական խումբը՝ բաժնի պետ Թորգոմ Չանդոյանի, ավագ քննիչ Արամ Աբրահամյանի գլխավորությամբ:
Վթարի փաստով Քննչական բաժնում նախաձեռնվել է քրեական վարույթ:
Ֆոտոլրագրողի տեղեկություններով խոշոր եղջերավոր անասունը՝ «Զազո» կովը, ստացել է միայն վնասվածքներ: