Shamshyan.com-ը գրում է․
Այսօր՝ նոյեմբերի 19-ին, արտակարգ դեպք է տեղի ունեցել Շիրակի մարզում։
Ժամը 15․30-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Գյումրի քաղաքում Գյումրիի քաղաքապետարանի կանաչապատման աշխատակիցը ծառի վրա էտման աշխատանքներ կատարելիս վնասել է ոտքը և գտնվում է մոտ 15 մետր բարձրության վրա, և ծառից նրան իջեցնելու համար անհրաժեշտ է փրկարարների օգնությունը։
Նմանատիպ մեկ այլ ահազանգ էլ ստացվել է ՀՀ ՆԳՆ Ոստիկանության պարեկային ծառայության Շիրակի մարզի գումարտակում։
Օպերատիվորեն ժամանել է Գյումրու թիվ 48 հրշեջ փրկարարական ջոկատից մեկ մարտական հաշվարկ։
Ժամանել են նաև ՊԾ Շիրակի մարզի գումարտակի պարեկները՝ գումարտակի հրամանատար Կարեն Կուրեղյանի, գումարտակի ծառայության ավագ տեսուչ Աղասի Խաչատրյանի գլխավորությամբ։
Ինչպես հայտնում է ֆոտոլրագրող Գագիկ Շամշյանը, փրկարարները Գյումրու քաղաքապետարանի կողմից տրամադրված հատուկ տեխնիկայի (Люлька) օգնությամբ իջեցրել են տուժածին, ով ոտքի բաց կոտրվածք ախտորոշմամբ օպերատիվորեն ժամանած Գյումրու շտապօգնության ավտոմեքենայով տեղափոխվել է Գյումրու բժշկական կենտրոն։
Տեղում պարեկները պարզել են, որ վիրավորը Շիրակի մարզի բնակիչ, 44-ամյա Գրիգոր Տիգրանյանն է