Ավտովթար Հայաստանում.  կան վիրավորներ

Ավտովթար Հայաստանում. կան վիրավորներ

Ճանապարհային ոստիկանության  2-րդ սպայական գումարտակի 3-րդ վաշտի ավագ հետաքննիչ Արթուր Մինասյանի կողմից նյութեր են նախապատրաստվում ապրիլի 16-ին Կոտայքի մարզում տեղի ունեցած ավտովթարի փաստով:   Ժամը 21:25-ի սահմաններում Երևան-Սևան ավտոճանապարհի 42-րդ կմ հատվածում բախվել են Գեղարքունիքի մարզի  բնակիչ, 50-ամայ Սումբատ  Սումբատյանի վարած УАЗ մակնիշի և Երևանի բնակիչ, 31-ամյա Բորիս Խանամիրյանի վարած Toyota մակնիշի ավտոմեքենաները:

 

Ինչպես հայտնում է ֆոտոլրագրող Գագիկ Շամշյանը, վթարի հետևանքով УАЗ-ի ուղևորներ, Գեղարքունիքի մարզի բնակիչներ,  47-ամյա Սուսաննա Հակոբյանը,  26-ամյա Անահիտ Սումբատյանը և 28-ամյա Ալինա Սումբատյանը մարմնական վնասվածքներով տեղափոխվել են «Հրազդան» բժշկական կենտրոն: Օպերատիվորեն դեպքի վայր են ժամանել ՃՈ 2-րդ սպայական գումարտակի 3-րդ վաշտի  2-րդ դասակի ծառայողները՝   վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ:

 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է  անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով: 

 

Լուսանկարները՝  Յուրա Գաբրիելյանի