Իսրայելի պաշտպանության բանակի մամուլի ծառայությունը հայտնել է Գազայի հատվածի կենտրոնական մասում արմատական «ՀԱՄԱՍ» շարժման 800 մետր երկարությամբ թունելի ոչնչացման մասին, որը 18 մետր խորություն ուներ։
«Գիշերը զինծառայողները ոչնչացրել են 18 մետր խորությամբ, 800 մետր երկարությամբ թունելը, որն օգտագործում էր «ՀԱՄԱՍ» ահաբեկչական կազմակերպությունը: Այն անցնում էր Գազայի հատվածի կենտրոնական միջանցքի մոտով, որտեղ գործում են Իսրայելի պաշտպանության բանակի զորքերը»,- ինչպես հաղորդում է «Արմենպրես»-ը, վկայակոչելով «ՏԱՍՍ»-ը, ասվում է հաղորդագրության մեջ և ընդգծվում, որ ոչնչացվել են նաև տասնյակ ահաբեկչական կառույցներ և այդ տարածքում հայտնաբերվել են մեծ քանակությամբ զենք և հետախուզական միջոցներ:
«Զորքերը զգալի վնաս են հասցնում «ՀԱՄԱՍ»-ի ներուժին Գազայի հատվածի կենտրոնական հատվածում և ուժեղացնում են վերահսկողությունն այս տարածքում», - նշվում է տեքստում: