Որ մարդկանց է հակացուցված  պարացետամոլ ընդունելը

Որ մարդկանց է հակացուցված պարացետամոլ ընդունելը

Հղիության ընթացքում պարացետամոլ ընդունելը կարող է ազդել պտղի զարգացման վրա և մեծացնել խանգարումների զարգացման ռիսկը: Այս մասին ասված է գիտնականների միջազգային խմբի նոր աշխատության մեջ, որը հրապարակվել է Nature Reviews Endocrinology բժշկական պորտալում:

Այս մասին հայտնում է «ՌԻԱ Նովոստին»։

 

Փորձագետները վերլուծել են համաճարակաբանության բնագավառում նախկինում հրապարակված ուսումնասիրությունները և կենդանիների և բջիջների վրա կատարված գիտափորձերի արդյունքները և եկել այն եզրակացության, որ դեղամիջոցը կարող է խանգարել պտղի զարգացմանը, ինչպես նաև առաջացնել նյարդաբանական, վերարտադրողական և միզասեռական համակարգի հետ կապված խախտումներ:

 

Պարբերականը պարզաբանում է, որ պարացետամոլը, լայնորեն օգտագործվում է ջերմությունը նվազեցնելու և թեթևից միջին ծանրության ցավերի համար: Սակայն, ինչպես ընդգծել են բժիշկները, դրա գործողության մեխանիզմը լիովին հասկանալի չէ:

Գիտնականները հղի կանանց հորդորել են դեղահաբեր ընդունելուց առաջ խորհրդակցել բժշկի հետ, իսկ նշանակման դեպքում 'հնարավորինս քիչ խմել եւ միայն կարճ ժամանակով:

 

Հետագայում գիտնականները նախատեսում են թեմայի վերաբերյալ նպատակային հետազոտություններ իրականացնել՝ հղիների անվտանգությունը բարձրացնելու համար: