Բլոգեր Օկսանա Սամոյլովան ամուսնալուծվել է ռեփեր Ջիգանից (Դենիս Ուստիմենկո)։ Նման որոշում այսօր կայացրել է Մոսկվայի Սավելովսկի շրջանային դատարանը։
Սամոյլովան դեռ 2025թ․ աշնանն էր որոշել լուծարել ամուսնությունը, սակայն գործընթացը ձգձգվել էր։ Ջիգանը ժամանակ էր խնդրել հաշտվելու համար, իսկ ավելի ուշ փաստաթղթերում հայտնաբերել էր հին ամուսնական պայմանագիր և փորձել վիճարկել այն։
Այսօր Սավելովսկի շրջանային դատարանում պետք է քննվեր նաև ռեփերի հակադարձ հայցը, որով նա պահանջում էր ամուսնական պայմանագիրը ճանաչել անվավեր։ Դրանից հետո ենթադրվում էր, որ զույգը կսկսի պայքարել անշարժ գույքի բաժանման համար, սակայն դա տեղի չունեցավ։ Փաստաբանների փոխանցմամբ՝ ամուսինները ստորագրել են հաշտության համաձայնագիր և կարողացել են պայմանավորվել գույքային հարցերի շուրջ։