Մենք ուզում ենք, որ ամբողջական համակարգը պատրաստ լինի, որ վստահ լինենք ամենը աշխատում է, բոլոր խնդիրները լուծված են և հունվարի մեկից նոր համակարգը ներդրվի: Այս մասին այսօր մամուլի ասուլիսին ասաց Երևանի քաղաքապետ Տիգրան Ավինյանը՝ անդրադառնալով տրանսպորտի միասնական համակարգին:
Ինչ վերաբերում է տրանսպորտի ուղեվարձի թանկացմանը, նա ասաց. «Համակարգը ամբողջապես նոր տրամաբանություն ունի և այն մարդիկ, ովքեր ավելի շատ են օգտվում տրանսպորտից, նրանց համար միգուցե ավելի էժան լինի տրանսպորտը, ովքեր որ ավելի նվազ քանակով են օգտվում տրանսպորտից, նրանց համար մի փոքր թանկ կարող է լինել»:
Նա վստահություն հայտնեց, որ միասնական տոմսային համակարգով էական բարեփոխում է լինելու: