Ինձ հրավիրել են, ես էլ համաձայնվել եմ ներկա գտնվել, հարցերին պատասխանել, ինչո՞ւ պիտի խուսափեմ, եթե ես պատրաստ եմ բոլոր հարցերին պատասխանել: Այս մասին այսօր լրագրողների հետ զրույցում ասաց Պաշտպանության բանակի նախկին հրամանատար Սամվել Բաբայանը՝ ներկայանալով 44-օրյա պատերազմի հանգամանքները քննող հանձնաժողովի նիստին:
Ըստ նրա՝ Արցախի հարցը չի լուծվել: Նա հիշեցրեց, որ առաջարկել էր կոմիտե ձևավորել: «Բայց քանի որ Արցախի իշխանություններն իրենք իրենց ձևն ունեն և ՀՀ ընդդիմությունը համարում է, որ ես խանգարում եմ իրենց պլաններին, դրա համար ձեռնպահ ենք մնացել, այդքան բան»:
Նա կոչ արեց ժողովրդին ամեն մեկին չլսել։ «Մենք ունենք «խելոք» ընդդիմություն, ես չէի ցանկանա իրենց խանգարել, շատ «խելոք» ծրագրեր ունեն, ապագան տեսնում են՝ ուր են գնում»,- ասաց նա: