Կյանքից հեռացել է «Հարի Փոթեր» և «Աստղային պատերազմներ» ֆիլմերի դերասանը

Կյանքից հեռացել է «Հարի Փոթեր» և «Աստղային պատերազմներ» ֆիլմերի դերասանը

Բրիտանացի դերասան Փոլ Գրանտը, որը խաղում էր «Աստղային պատերազմներ» և «Հարի Փոթեր» ֆիլմերում, մահացել է 57 տարեկան հասակում, երեքշաբթի հայտնել է Sky News-ը՝ վկայակոչելով դերասանի դստերը, որը հաստատել է նրա մահը։

«Նա հայտնի էր և սիրված (իր աշխատանքի համար): Նա շատ շուտ հեռացավ», – ասել է Սոֆի Գրանտը հեռուստաալիքին:

Անցած հինգշաբթի դերասանն ընկել էր Լոնդոնի Քինգս Կրոս կայարանի մոտ և տեղափոխվել հիվանդանոց, ավելի ուշ բժիշկներն արձանագրեցին ուղեղի մահ, հայտնում է Sky News-ը։ Ըստ Sun թերթի՝ մարտի 19-ին դերասանից հեռացրել են կենսապահովման սարքը՝ մահվան չբացահայտված պատճառի համար։

Գրանտի հասակը 132 սանտիմետր է, նա խաղացել է գոբլինի «Հարի Փոթերը և փիլիսոփայական քարը» ֆիլմում, իսկ  «Ջեդայների վերադարձը» ֆիլմում՝ որպես Էվոկների փոքր արարածների ռասայի ներկայացուցիչ: