Արտակարգ դեպք՝ Արագածոտնի մարզում.

Արտակարգ դեպք՝ Արագածոտնի մարզում.

Այսօր' հունիսի 21-ին, արտակարգ դեպք է տեղի ունեցել Արագածոտնի մարզում։ Ժամը 11։00-ի սահմաններում Մարգարա-Վանաձոր-Տաշիր ավտոճանապարհի 48 կմ հատվածում բախվել են Լոռու մարզի բնակիչ՝ 52-ամյա Գնել Պ-ի վարած Honda մակնիշի և Արագածոտնի մարզի բնակիչ՝ 47-ամյա Սենիկ Վ-ի վարած ՎԱԶ 2107 մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով «07»-ը դուրս է եկել երթևեկելի գոտուց, հայտնվել ձորում, մի քանի պտույտ շրջվելով՝ այնուհետև հայտնվել դաշտում։ Վթարի հետևանքով «07»-ի վարորդ Սենիկ Վ-ն օպերատիվորեն ժամանած Աշտարակի հիվանդանոցի բժիշկների կողմից նախ տեղում առաջին բուժօգնությունն է ստացել, ապա տեղափոխվել «Աշտարակ» բժշկական կենտրոն։

Օպերատիվորեն ժամանել են ճանապարհային ոստիկանության 2-րդ սպայական գումարտակի Արագածոտնի մարզը սպասարկող սպայական դասակի ծառայողները՝ ավագ տեսուչ Կարեն Կարապետյանի գլխավորությամբ։  Տեղում հետաքննական աշխատանքները ղեկավարել է ավագ հետաքննիչ Անուշավան Աղաջանյանը, ում կողմից վթարի փաստով նյութեր են նախապատրաստվում։ 

Դեպքի վայր էր ժամանել վթարված «07»-ի սեփականատիրոջ որդին, ով ասում էր. «Հայրս առավոտյան ավտոմեքենայով գնացել է գյուղապետարան, մեքենան կայանել գյուղապետարանի մոտ ու մտել ներս։ Կարճ ժամանակ անց մեքենան գյուղապետարանի մոտից տարել են, իսկ որոշ ժամանակ անց պարզում ենք, որ մեքենան վթարի է ենթարկվել»։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով: