Օրական մոտավորապես 8500 քայլ կատարելը կարող է օգնել մարդկանց պահպանել քաշի կորուստը։ Այս եզրակացությանն են հանգել հետազոտողները` ըստ «Ճարպակալման ուսումնասիրության եվրոպական ասոցիացիայի» (EASO):
Ինչպես նշել է պրոֆեսոր Մարվան Էլ Գոկը, ճարպակալման բուժման հիմնական մարտահրավերը ոչ թե քաշի կորուստն է, այլ քաշի վերականգնման կանխումը։
«Ավելորդ քաշ կամ ճարպակալում ունեցող մարդկանց մոտ 80%-ը, որոնք հաջողությամբ նիհարում են, վերականգնում են կորցրած քաշի մի մասը կամ ամբողջը երեքից հինգ տարվա ընթացքում»,- բացատրել է գիտնականը։
Հետազոտողները ցույց են տվել, որ ակտիվ քաշի կորստի փուլն ավարտելուց հետո մասնակիցները մեծամասամբ պահպանել են իրենց ֆիզիկական ակտիվության մակարդակը՝ օրական մոտավորապես 8241 քայլ: Սա թույլ է տվել նրանց պահպանել իրենց արդյունքների մեծ մասը. միջին երկարաժամկետ քաշի կորուստը կազմել է մոտավորապես երեք կիլոգրամ։
Այնուամենայնիվ, քայլերի քանակի ավելացումը գործնականում ոչ մի ազդեցություն չի ունեցել քաշի կորստի տեմպի վրա սկզբնական փուլում, քանի որ կալորիաների սահմանափակումը, հավանաբար, հիմնական դեր է խաղում կարճաժամկետ քաշի կորստի մեջ։
Գիտնականների կարծիքով, օրական 8500 քայլը պարզ և մատչելի միջոց է դիետայից հետո քաշի վերականգնման հավանականությունը նվազեցնելու համար։