Մայիսի 11-ին Ռուսաստանի նախագահ Վլադիմիր Պուտինը զանգահարել է նախագահ Իլհամ Ալիևին։
Այս մասին հայտնել է Ադրբեջանի նախագահի մամուլի ծառայությունը։
Վլադիմիր Պուտինը շնորհակալություն է հայտնել նախագահ Իլհամ Ալիևին Իրանից Ռուսաստանի քաղաքացիների տարհանման կազմակերպման գործում ցուցաբերած օգնության, ինչպես նաև Ռուսաստանի կողմից Իրան ուղարկված մարդասիրական օգնությունը Ադրբեջանի միջոցով տեղափոխելու ուղղությամբ պայմաններ ստեղծելու համար։
Հեռախոսազրույցի ընթացքում առաջնորդներն ընդգծել են Մերձավոր Արևելքում ռազմական գործողությունների արագ դադարեցման և հակամարտության քաղաքական-դիվանագիտական կարգավորման կարևորությունը։
Պետությունների ղեկավարները քննարկել են երկկողմ արդիական հարցեր։ Ռազմավարական գործընկերության և դաշինքի սկզբունքներին համապատասխան՝ հաստատվել է Ադրբեջանի և Ռուսաստանի միջև տարբեր ոլորտներում համագործակցությունը շարունակելու փոխադարձ մտադրությունը։